Blue Daisy kan aan u 'n paar voorgestelde roetes en eindbestemmings verskaf asook 'n roete saamstel volgens u eie behoeftes.

'n Spesifieke behoefte bepaling word gedoen oor die doel en tydsduur van die funksie, waarvolgens ons kan bepaal of dit 'n oggend/middag of dag uitstappie sal wees of selfs meer as een dag en aand op die trein met akkommodasie. Ons het 'n goeie ooreenkoms met verskeie bestemmings vir konferensie fasiliteite, etes en selfs akkommodasie.

ALGEMEEN

Blue Daisy Treine sluit altyd 'n DJ op die trein in wanneer 'n danswa deel van die samestelling is, en ons verskaf ook ten alle tye 'n kontant kroeg op die trein. Indien u graag 'n orkes van spesifieke aard wil hê in die danswa, sal ons u additioneel daarvoor kwoteer.

BESTEMMINGS

Die mees algemene vertrekpunt is Kaapstad Stasie, ander alternatiewe vertrek punte kan gereël word bv. Bellville en Stellenbosch. Ons mees populêre bestemmings is as volg:
· Darling - Evita se Perron
· Vredendal (Rittelfees)
· Matjiesfontein (Lord Milner Hotel en Motor Museum )
· Botrivier · Houw Hoek Inn
· Worcester - KWV Brandewyn Kelder
· Worcester - Kleinplasie Opelug Museum
· Ongegund Lodge en Konferensie Sentrum
· Mola - De Tolhuis
· Elgin/Grabouw Country Club

SPANBOU

Blue Daisy is die eerste maatskappy wat in samewerking met Affordable Adventures 'n unieke "Hollywood Trein" aanbied. Tydens die rit word u groep in spanne opgedeel wat elk hul eie kameras, pruike, maskers en vele toerusting kry. Nadat die spanne elk hul eie "fliek" geskryf en die rolverdeling gedoen het, word dit werklik opgeneem. By die bestemming geniet die groep middag of aandete waarna hulle "'n aand by die Oscars" bywoon. Elke groep se fliek word vertoon en selfs pryse en "Oscars" word uitgedeel vir die beste akteurs… Hierdie is een van die opwindenste en prettigste treine ooit!